الشاب رمضان - قرية عمان | SOS Jordan

الشاب رمضان – قرية عمان

الشاب رمضان - قرية عمان

اسمي رمضان وعمري 23 سنة عشت في قرية أطفال SOS عمان تخرجت من القرية سنة ورحت على بيت شباب البيادر.، اخدت دورة بالعلاج الطبيعي في الجامعة الأردنية وحالياً أنا لاعب جوجيتسو “Jiu Jitsu” في فريق رياضي اسمه ميرزا وهو اول فريق عربي بالشرق الأوسط وخامس أفضل فريق بالعالم بهاي الرياضة.

وبحب الناس تعرف إنه رياضة الجوجيتسو هي رياضة للدفاع عن النفس بشكل فردي وبتعتمد على التفكير والعقل اكثر من انها تكون قتالية وبس.

بالرغم من اصابتي بكتفي من احدى البطولات القتالية.. انقطعت فترة عن الرياضة لكن رجعت وبهمة أقوى كمان واشتغلت وتعبت على حالي كتير ولولا وقوف القرية معي كان ما أخدت أكتر من بطولة وحصلت على عدة مراكز من أهمها بطولة غرب آسيا.. وبطولة أبو ظبي لمحترفي الجوجيتسو وبطولة جراند سلام.. وكمان حصلت على حزام بطولة من EFC في رياضة الألعاب القتالية المختلطة MMA والبطولة التانية كانت مع AUFC..

طموحي إني أضل أحصل على المراكز الأولى بالبطولات وبحب تعرفوا عني أكتر من خلال مقابلاتي التلفزيونية عاليوتيوب.
وآخر كلمة بحب اكتبها هية “حتى لو ما عندك شي، اعمل واصنع نفسك بنفسك واعتمد على حالك وثابر نحو مستقبلك ليضل دايماً بصورة حلوة وايجابية”.

Comments are closed.