ماما سهير: إضاءة على البيوت المجتمعية

اسمي سهير جوارنة ووظيفتي إني أكون أم لعدد من الأطفال في قرية أطفال العقبة، وصارلي 21 سنة بهاي الوظيفة. إجيت عالقرية لما كان عمري 29 سنة، وتخرج من بيتي 8 أطفال منهم اللي تزوجوا ومنهم اللي بعدهم بيدرسوا، وفي الوقت الحالي عندي 3 أطفال تحت ال 14 سنة بعطيهم كل الاهتمام والرعاية والحنان.

اليوم أنا مبسوطة كتير إنه صار عنا فكرة جديدة تطبقت في قرية أطفال العقبة اسمها "البيوت المجتمعية" وهي عبارة عن بيت خارج القرية بنعيش فيه بدل البيت اللي جوا القرية وهاي الفكرة بتخلي الأطفال ما يحسوا بفرق بحياتهم عن الناس التانية، وبيقدروا يكون عندهم أصحاب وجيران عايشين حواليهم وبعدها بيروحوا على بيوت الشباب والشابات لما يصير عمرهم 14 لحتى يكبروا ويتخرجوا ويصيروا شباب وصبايا منتجين في المجتمع إن شاء الله.

بتمنى ربنا يوفق الأطفال ويكون معهم في كل حياتهم وأقدر أعطيهم كل الحب والاهتمام.