إسمي محمد، تربيت بقرية الأطفال في عمان. دخلت عالقرية لما كان عمري 10 سنوات أنا وإخواتي التنتين، عشت ببيت في القرية مع إخوان وخوات وأم ربتنا كلنا اسمها ماما فاطمة النجار وهي بتعنيلي كل شي بحياتي ولليوم بتضل على تواصل معنا وبتدير بالها علينا.
لما صار عمري 14 سنة رحت أعيش في بيوت الشباب، وإخواتي راحوا على بيوت الشابات، صرت أحس شخصيتي صارت أقوى وبعتمد على حالي أكتر وصرت أسجل وأشارك بكل الأنشطة بالمدرسة، وبس خلصت التوجيهي سجلت في دورة إدارة أعمال ومبيعات مع مؤسسة التدريب المهني بمساعدة صندوق الأمان لمستقبل الأيتام ، والحمدلله طلعت الثاني على دفعتي، وكنت أدرس وأشتغل بمحلات ورد بنفس الوقت، وبعد ما أخدت الخبرة وجمعت شوية فلوس فتحت محل ورد أنا وأختي اسمه مونامور
والحمدلله قدرت أشتغل بشغف بالمحل وبحب شغلي كتير وبدعي تضل أمور المحل ماشية مع الظروف الراهنة اللي بتمر فيها البلد.
معرض الصور
