الشاب نورس
اسمي نورس وأنا شب من قرية أطفال العقبة، كان عمري ست سنوات لما فتت عالقرية وعندي خمس إخوات وأربع إخوان. حالياً خلصت امتحانات التوجيهي وعم بستنى النتائج.
اكتشفت موهبتي بالتصوير الفوتوغرافي بعد ما أخدت عدة دورات مع مركز شباب العقبة وهيئة شباب كلنا الأردن ومع متطوعة إسبانية إجت على قرية العقبة قبل سنتين وعلمتنا فنون التصوير، وطبعاً مع تشجيع أمي اللي ربتني (ماما أروى) واللي قد ما أحكيلها شكراً ما بوفيها حقها.
من سنة 2017 بلشت أتطوع وأصور مع وزارة الشباب وحالياً أنا متطوع دائم وبصور معهم ومتطوع مع شركة أيلة، ومصور فوتوغرافي لكتير من المناسبات وبشتغل مع مديرية التنمية الاجتماعية ومفوضية العقبة بالإضافة لجلسات التصوير الفردية اللي منها بقدر أغطي مصروفي بالإضافة لدعم الجمعية إلي.
بتقدروا تدعموا نورس وتشوفوا تصويره من خلال صفحته: https://www.instagram.com/nawrs_khalid_2000/
أسرة قرى الأطفال فخورة فيك نورس
